मूकं करोति वाचालम् पंगु लंघयते गिरीम् ।
त्यांच्याच कामावरील एका लोहाराची मुलगी आजारी पडून आंधळी झाली. तिला दोन्ही डोळ्यांनी दिसेना. तिला पाटलांनी सोमवारच्या पाच वाऱ्या करण्यास सांगितले. तिसर्या वारीलाच तिला दिसू लागले.
त्या मुलीला दृष्टी आत्तरी | लोहाराने व्यसने सोडली ||
ही गर्ता पसरली | दिग्रस शहरात ||
तसेच शामराव पाटलांचा पुतण्या वामन यास लहानपणी चालता- बोलता येईना. त्याने पाच वाऱ्या करताच त्यास गुण आला.
वामन बोलू - चालू लागला | पाच सोमवारी गुण आला ||
ही वार्ता कळली लोकांना | तेही तुकारामाच्या दर्शनाला येतात ||
माहोलीच्या लालसा जावरे (तेली) यांच्या तोंडाला पडलेले वळण श्रीतुकामाईंच्या नामजपाने दूर झाले. अनेक लोकांना अशाप्रकारे श्रीतुकामाईंचे अनुभव आल्यामुळे त्यांनी श्रीतुकामाईंच्या संस्थानासाठी आपल्या जमिनी अर्पण केल्या.